|
|
其实我本来都唔想发哩个帖嘅，但係论坛嗰个黄笑风就真係认真过分咗。化州发展其实的确係有，不过依家发展成点，大家都心照。初中前我一直喺化州丽岗读书，化州点样，我最清楚。
细个嗰阵屋企人间中都会带我去化州市区玩，但係无论係从镇安条路去，定係喺丽岗新墟去北岸条路去，始终有一半路融融烂烂。我11年之前喺丽岗中心小学返学，由我条村条路开始烂，一直烂到东和堂，关键系哩一截路有个好高嘅坡，个坡d路都系烂嘅踩车系乜感受就可想而知。跟住条路又由低坑小学前边少少一直烂到丽岗镇政府附近，我屋企去学校先得嗰3公里，但係踩得仲辛苦过人地哋踩10公里。天晴阵时d泥头车横冲直撞条路就烟尘滚滚，最衰就係落雨阵时，成地泥浆，你连踩车都唔够胆踩，事关条路真系烂到极点，你根本唔知边度有个氹，边度积水有成七八公分咁深。喺哩d路踩车，无论你踩几慢都好，最低限度裤脚都绝对会整邋遢，特别係周不时仲会有泥头车经过，避都冇得避，行路就更加咪使旨意啦，d烂泥至少有公几两公分深。其实我细个阵时条路都有修过两次，只不过就係次次都修好用唔够一年就烂嗮嗻。兼且丽岗通往东部地区基本上一定要经过哩条路。
另外就係化州嘅城建，其实你吹得咁把炮但係我每次返化州我就真系体验唔到有咩区别咯。至于化州嘅街景喇喎就真係数五年如一日囉，成五年喇基本上都係冇咩大变化，只不过就係多咗个体育馆新建咗个图书馆几栋商品房同埋整咗个聊胜于无嘅三江六岸嗻。
论坛发嘅化州航拍简直冇眼睇，一大排乱七八糟嘅自建房之中零散咁起咗几排商品房。
至于生活配套咯喎，总之我个镇就完全冇囉。此时粤东好多地方都已经做到小巴班车村村通啦，化州作为一个常住人口120万嘅县级市交通仲係一劈烂泥，就得3个线路，公交车班次极其少，末班车时间仲早。一直到18年左右茂名河西车站开通咗茂名河西车站至南山寺嘅中巴车先至稍微减轻了村民去镇墟嘅不便。但係哩条中巴车线路因为基本上空车，所以唔知依家取消咗未。
仲有就係化州号称要将丽岗搞成化州后花园，但係就将火葬场搞喺化州，到时候都未知污染同埋臭味有几大，我丽岗有d亲戚都准备搬走嗮，丽岗发展前景等乎于0。
最后就係讨论化州发展水平问题，其实只要仲未瞎眼嘅都睇得出化州同高州边个城建好啦。我唔钟意高州，但係我承认高州的确会更好。无论係数据、街景定係医疗嚟讲。至少我哋村有村民身体唔舒服都係去高州同埋茂名照多。你自己问下化州人睇下佢係觉得高州定係化州经济好d咯，结果我谂大家心中有数。
至于发展，的确唔靠得地级市。我哋内地有边个地级市真係会尽心尽力去帮助县级市发展先得嘎。路通才能致富，关键係化州路都未通，市区通往镇d路都有冇几条好嘅点发展得咯落咯。茂名发展偏心係事实，但係化州目前始终都係畀茂名管，以化州嘅实力亦都冇可能升级成地级市，所以王笑风你一日到黑喺度闹茂名又有乜意义咧？除咗分裂茂名招黑畀化州仲有其他用处？其实大多数化州人我谂对茂名应该都冇乜谂法，甚至乎化州茂名好多人根本唔知目前化州係由茂名管紧。但係出门在外化州人始终都係会有d心挂茂名嘅。所以王笑风你要舐湛江鞋底唔该你自己一个人舐到爆佢，唔好扯我哋百几万化州人落水，我唔觉得化州一个离湛江53公里嘅县级市湛江会真係落力去发展。兼且喺论坛闹化州人最犀利嘅除咗某几个电白脑瘫，咪就係湛江人闹得最过分啦？我哋化州人真係冇心亦都想同高州人茂名人甚至係电白人嗌交。除咗某几个一味喺度贬低化州嘅几个高州人、心电白人除外。
之前就吹万达，吹其他一堆项目吹到好似有模有样咁，结果依家仲係得个桔，搞到我们丢架丢到面都黄嗮。好心王笑风同佢嗰几个系列小号中仲有王哭风d化州黑有咁远死咁远啦。
|
|
粤公网安备 44090202000008号 | 经营性ICP许可证号：粤B2-20170724 |
粤ICP备14043358号
发表于 2020-7-12 13:22
