本地人的外地囧生。

茂名客家佬

      人生辛辛苦苦，总想创造点给自己或子女，谂住后生，子女又四岁啦，住一房一厅好辛苦，头一热，将位于珠海拱北嘅细房卖开佢换个两房，早上提出来，中午就签左合同。
      真係鸡麻屙屁都比我慢，心谂买楼果个真係有钱，买菜好似买颗葱甘！！后来一查周边房价，叼炸天，蚀左少则三五万，多则七八万。心谂算啦，反正我都赚左廿几皮，快罗到钱转两房。
      一个星期后跟住中介去睇楼，我叼…………你，六年房龄两万六七，十二三年嘅两万三四，新楼差唔多四万！！！家下买个轮啰！
      从心底中六十几个方嘅两房睇到五十几个方嘅两房，从一百七八到一百四五嘅价钱__唔睇啦，无钱。
房卖鬼左，屋都要住咖，搬左屋先讲，稳房先，我叼

…………………………………………………………………………

      我再叼，两房租金两千四五起，一房千七八，单间七八百！！！好过瘾，三线城市，一线楼价租金。
      租左一房千五，一句话，好轮细，细到同你班富豪个主人房甘大，已家心酸罗，好挂住我间一房一厅啊！
      继续跟住中介去睇楼先，一楼，七十三个方，带小花园，管理好好，开价162加十万左右税，好七中意，准备落手，但又嫌太贵，想讲到158罗个好意头，中介都话半个月前业主都是甘个价。好，等佢哋勾通，继续睇。仲系睇我果间一房果个小区，66个方，175皮左右包税，又係好七中意，钱？唔够首期，好，开始借钱，除开老豆俾左5皮外，其他一打电话未讲条件就介绍放数俾你啦，你知啦…………我没钱。算，本身打算俾六利息来借，唔肯借留你存银行赚。
未完待续，觉觉猪先。

茂名奇妙

跌宕起伏，热帖留名

阿肥肥

没睇安新房就卖开旧房，经济条件有限的情况下做嘢应该更加周全的，莫太冲动。

茂名QQ专卖

有百几万，租房一点压力都没有

茂名客家佬

茂名QQ专卖 发表于 2017-2-3 08:17
有百几万，租房一点压力都没有

要贷款买房边有百几万啊。

环市西路

你买开的旧房也换了100万了，有钱人

茂名客家佬

环市西路 发表于 2017-2-3 09:00
你买开的旧房也换了100万了，有钱人

无。

茂名客家佬

阿肥肥 发表于 2017-2-3 07:50
没睇安新房就卖开旧房，经济条件有限的情况下做嘢应该更加周全的，莫太冲动。

一时冲动

茂名客家佬

成茂Q专卖话事，有百几十万租房都安乐，但家族几代务农为本，以种荔枝为业，放在十年八年前，荔枝有三四十文一斤，早已富甲一方，但荔枝便宜过塘泥，原来间房都係贷款买嘅，卖开左，还房贷，边有百几十万？
话事话，上排睇完果间一楼带小花园嘅房，心情好奈都平静唔到，同老婆计来计去都离首期差十零万。无计，开高息，借十万两年利息一万，利息当即就俾，到手实际九万。一朋友当日放款，睇佢有排笑罗。
钱借够啦，put疯俾中介，问下倾成点，我真是费事话佢，无同我讲低少少就算啦，只扑街竟然同我讲，业主又加左两万文价，真係死咸鱼又摊上大粒盐。火都扯到三丈高，业主係睇到我肯定会买佢间屋特叮加价，我唔做佢生意。
再睇总价175皮果间，终于肯松少少172皮，但是包齐税，计起身便宜左个零头。算啦，无心睇，越睇越贵，快落手就讲。同中介商定，天日俾定金，约业主出来签合同。
心头大石终于放低啦，果晚好开心，饮左几瓶啤酒，心谂，以后要辛苦成廿三十年罗，不过无乜所谓，自己都打算係呢边生根发芽，除非落叶时就返屋企养老。
未完待续，买房一事再起波澜，小骗败走中山。

名字只是代号@

u中山市区买 现在先一万几！一方  深中大桥起好会升一倍

名字只是代号@

去中山市区 买 现在先一万几！~ 深中大桥起好 会升一倍

茂名客家佬

买房准备仗打左九成九，就差鸡碎甘多，等天日太阳出，狗急去翻墙！
晚上十二点，一条微信信息就好似一道雷劈中中我。我真係黑过锅底，珠海全城限购。我叼…………………………穿肠，又唔符合条件，再叼，银行放贷有标准，再再叼，又要放钱扮假证明，再再再叼，甘都未话事过得到，过唔到定金就会冻过水！！好彩，差滴交左定金，又要放弃。
珠海买唔成，同老婆商量，存银行，稳利息当交租算啦。但存银行係帮银行打工，五年后一百万当五十万使，好唔抵，又唔甘心。
查来查去，决定远走中山。一，近。二升值空间大。三，退一万步来讲就算珠海有乜冬瓜豆腐起码仲有地方落脚。四，仲係近，唔到八公里，到时深中通道，港珠澳大桥通车，万达广场如果建成，升值空间大大大大大。
一计唔成又生一计，中山坦洲，选定你。坦洲十四村，离珠海翠微隔条桥，离南屏华发商都不到两公里，离珠海市区四公里，离澳门八公里。重要嘅係万达广场可能落地于此，中山重点发展坦洲。
当日睇房，当晚九点约业主交定，我都来次买葱！！一万六嘅价格可以接受，九十三个方又啱心水，总共落证152，又同银行借钱。房奴生活再次开始，但总算心乐左好多。
呢间房绝无可能一世，只不过係下次超大房奴嘅转介石，下次房奴包有几大，完全睇深中，港珠澳对珠海中山嘅经济效益有几大。

茂名客家佬

麻烦版主将三篇合一，谢谢。

茂名客家佬

名字只是代号@ 发表于 2017-2-3 10:50
u中山市区买 现在先一万几！一方  深中大桥起好会升一倍

讲啱晒，中山各方面都几好。

luojinxiao

爽爽爽