2007年广州当局就揭露咗不法商人常用嘅12种嘅手法。
表面光亮嘅橙，原来就系畀工业用嘅石蜡嚟打过蜡嘅；
又用硫酸将荔枝浸到鲜红。。。
专家就警告长期噉食用呢啲水果，对人体会有害，严重架会致癌。
由纪少娟详细噉讲下不法商人嘅招数：12种水果都系最经常食用噶，
点解橙会闪闪靓？
苹果个个都红当当？
因为橙表面打咗工业石蜡，呢啲石蜡含有铅锌，会渗入橙肉；食咗记忆力会下降，仲会贫血。
红当当嘅苹果就落咗催红素，仲落咗防腐剂，食咗会损害肝脏。
提子含有抗氧化物，可以减慢衰老，但就放入咗乙稀溶液浸泡，令啲提子快啲由青色变成紫黑色。
至于梨，就会用催长素变得早熟，再用漂白粉、柠檬黄漂白染色。
水蜜桃好吸引视觉，系因为用工业柠檬酸浸过，颜色鲜红啲，保存耐啲。但会损害神经系统，甚至致癌。
西瓜会超标使用催熟剂、膨大剂同剧毒农药。点样认呢？呢种西瓜皮上嘅条纹唔均匀，切开后会有异味。
香蕉系最易吸收能量嘅，但就会用氨水或者二氧化硫催熟，食咗会影响肝肾，甚至致癌。
又香又甜嘅芒果就会落生石灰，令表皮睇嚟金黄色。
生嘅杮子，会用酵母或者催熟剂嚟催熟。
荔枝会用硫酸溶液浸泡，令唔新鲜嘅荔枝变得鲜红。
龙眼就会喷上硫酸，或者用酸性溶液浸过，令颜色鲜艳啲。
专家嘅贴士话：同唔好以貌取人一样，买生果千其唔好以貌取果。
有线电视记者纪小娟报导。 | 
粤公网安备 44090202000008号 | 经营性ICP许可证号：粤B2-20170724 |
粤ICP备14043358号
发表于 2023-6-13 11:40
